18.01. - 20.01.2024 - Koh Phi Phi

18.01.2024

Eusi Reis isch denn scho wider wiitergange, dasmol mit ere Fähre zu de Insle Koh Phi Phi. Die Insle isch mega chli, s döfed kei Autos fahre und am Tag dure ischs zemli cool. I de Nacht fönd denn all die Partys aa und well all die Lokalitäte nöch ufenand sind hesch durchgehend lärm bes öppe am 3 am Morge (wennd Glück hesch esch de Bass au no richtig guet und dis ganze Bett gwagglet.). 

Grad denn wo mer an Strand gläge sind a dem Nomittag hets natürlich agfange rägne - immerhin hend mer denn aber die besti Uswahl gha, wo mer hewend.

19.01.2024

Mer send d Insle chli go aluege und go lädele, aber es isch sehr heiss gsi, weg dem send mer no chli as und is Meer. Am Obe nachem Znacht send mer no ane Party aber de Vibe isch chli komisch gsi und ich be rächt früeh wede hei.

20.01.2024

Nachem zmorge hend mer eus es Paddelboot gmietet und sind umd Insle zu de Monkey Bay paddlet. Met de Affe hend mer det chli am Strand chillt, bis mer weder zrugggfahre send. Vorem Znacht send mer in Pool vo eusem Hostel und uf einisch gheit öppis näbe eus is Wasser - zerst hani gmeint, es sig eifach es Blatt, het sich denn aber als Flädermuus usegstellt... 

Nachem Znacht send mer denn no ine Bar mit Livemusig und hend det de Obe gnosse, es isch wörk sehr schön gsi det. Und ich ha sogar au döfe go singe. ☺️

Facts of the day:

• Toti Flädermuus im Pool?
• How to win im 4 Gewinnt geg 2 Lüüt glichziitig & zweimal nachenand (isch meh Ufmerksamkeitstraining als mer ahnimmt)