Mangawhai-Whangarei-Tamaterau

04.03.2020

Hüt bini vom camping abgfahre richtig Whangarei. Herziges dörfli, bi de das chli go aluege u go ikaufe ner bini nach tamaterau uf ne freecamping. Z Wetter isch nid so guet gsi het mega gwindet bewölkt u isch früsch gsi mit 18°C. 

05.03.2020

Z Wetter isch hüt richtig schlecht gsi. Het grägnet gwindet u Früsch isches oh gsi. Bi de ner nach Whangarei zrügg gfahre u nes Kaffi go drinke. Dr rest vom Tag hani de no ufem freecamping im Auto verbracht u ha gläsä u chli Australie afa planä. U natürlich gehofft das morn z Wetter besser wird, wases eich söt.