Auf dera Welt schwätzad viel z viel Leit in irgend ra odeitlicha Sproch!

Millers hand alle ihre Verwandte & Bekannte zamm trommlad, um so viele Ziega wia meglich aus 'em "native Bush" eizomtreiba. Josh, d Cousin von d Cathrine und bockwulle, hot die Ziega auf m Buggl omanad traga. Im Endeffekt hammer 180 Ziega eitrieba, dia ma dann verkauft hot. 🐏🐐🐏🐐🚛💵

Ziegafloisch isch vor allem bei de Inder sehr gefragt. Noch d Ziegawoch hot ma sich wiedr de Schof gwidmet - wiega, ins Gehege jaicha, malade aufpäppla und Vitamine verabreicha. 

Weil mir uns bei de Millers so wohl gfühlt hand, hand mir se zwoimol mit d schwäbischa Küche verwöhna dürfa: 

1. Floischkiachla, Kartoffelpürre mit Gmias und Soß

2. Schinka-Dennete und gmischter Salat (ging weg wie warme Wecka!) 

Beim Monopoly spiela hand Ailsa und Cath so abartige Sprich nauslau, dass uns schier verrissa hot. 🙇🏼‍♀️🙇🏽‍♀️Vielleicht war mr drom immer de Verlierer 😄

Am Sonntag hammer für zwoi Däg s Auto vom David griad, um dia Alpin Crossing Wanderung zum macha. Bei Wind und Wetter simmer im druiviertel achte losgloffa. Der Aufstieg war so brutal, Conny hots schier it packt und oba doilweis koi Luft me griad - der Wend war so abartig, des kennad ihr ui gar it vorstella! 🌬💨🌪Steffi wär am liebsta auf alle viere weiter - s erste Mol im Leba hot se Angst ghet, dass se d Wend futt nimmt. Die Anstrengunga hand sich in jedem Fall glohnt, dia Aussicht oba war oifach phänomenal (Red Crater (Mt Doom von Der Herr der Ringe), Emerald Lakes, Blue Lake). 😍 Om drui mittags hammer dann dia knappe zwanzg Kilometer hinter uns ghet und feststella daffa, wia kloi d Welt doch isch: Hoggad doh doch glatt oiner aus eiserm Ort! 

Noch knappe zwoi Wocha hammer uns von d Farm verabschiedet und sind mit m Bus weiter noch Hamilton gfahra, hand doh no n netta Obend verbrocht, bei ma Spaziergang zu de Hamilton Gardens, Essa auf m Markt und ma Absacker in ra Boiz mit Livemusik. 

Noch ra kurza Nacht simmer dann weiter in d Süda noch Taupo. Bei ma Samstagmittag Eikaufsbummel, hammer mit de Dollars um uns gworfa, als wärs s Spielgeld vom Monopoly... 💸

Mit Burger & Wedges und m Blick auf da See hammer d Obend no sche ausklinga lau. #magönntsichjasonstnix

Heit Morga wollt mr zu de Huka Falls laufa, sind aber nur bis zu de Hot Water Streams komma, hand do a bissle planscht und uns seelisch und moralisch aufs Rafta vorbereitet. Auf em Tongariro River simmer zwoi Stond lang 50 Abfälle na! S war n räad amüsanter Mittag. 😊 Bilder vom Rafta stell mr Morga nei 😉.