Do 05.11.2015 Airbus 380 bei Sitz 66K

2015
Do 05.11.

DOWN UNDER AND BEYOND
Airbus 380 bei Sitz 66K

21:00

a junge Frau setzt sich nebad mi - fangt jo guat ah
ganz ansprechendes Uftreta…mhm… Begleitung scheint se koane zum ha... umso besser!
aha! si isch Flugbegleiterin bei da Emirates... des han i ussagfunda weil i glei mol alle möglicha Knöpf vor mir usprobiera wollt und versehentli di Boarding Crew alamiert han.

Es folgt also a persönliche Einschulung über den 13 Zoll Display, di Konsole und sämtliche andre Knöpf dia ma nur finda kann
Und nochdem s Eis somit also oh brocha war und i wiederholend di wörter 'awesome' und 'wow' verwendat han homma üs denn weniger technischen Inhalte üsra Leaba gwidmad: so han i ussagfunda dass se Natalia hoaßt, 26 Johr alt und gebürtige Polin (jetzt aber Wahl Abu Dabierien) isch und sit zwo Johr für Emirates schaffat.
ihr Englisch war biz besser als mis... des hat mi Ego zwo dreimol unter Stottern feststella müasa... gschlaga han i mi trotzdem guat...
Als di Stewardess kunnt bstellt si Bier und i zwo Fläschle (aber natürli hinterander und jeweils klenne) Sauvignon Blanc - oamol us Südafrika, fruchtiger und oamal us da Gascogne, würziger... dazua servieran se Hühnchen mit Curryreis und Gmüas und Kracker und Piri Piri und und und... Edelstahlbsteck! 'Wow'
- ufn Rotwieh han i denn doch verzichtat... ma muas as jo ne glei übertriba am ersta Obad!
Noch nam oanahalb Stunda Schlöfle hon dia Siaha s Liacht wida agschalta und durchgseht, dass ma üs wida ahschnalla sölland... what shälls... Dubai Calling! 03:45 +3h

Fr 06.11.

Dubai

09:43 OZ

laut Rolex im Wartezimmer
langsam merkt i dass i doch müader bin wia i vu na halba Stund denk han... i han glob Schüb... vllt ligts aba oh nur dra weil i grad 1 Liter Evian (des i vor 10 min eigentli fürn Flüger im Duty Free Shop koft han) abegext han... weil zums in d Tonne klatscha wars ma z Schad - bsunders in na Wüstenmetropole.

10:20

noch nam relativ zäham Boarding trotz Zonenzuteilung sitz i jetzt uf Sitz 78K wida am Fenstr und nebs zwo vermuatli Australier... (oda doch Kiwis?), a Päärle Mitte da Fufzgr... ganz sympathisch eigentli.
So, es lauft grad zum wiederholten male di Safety Instruction... blabla… kaum war des umme gönn i ma oan Film.

16:30

puuh... noch Mad Max Fury Road züh i ma a Dreiteilige Doko übers Tierleaba in Japan ihe... währenddesen gits Lachs mit Reis und Gmüas... langsam würr i müad, besser gseht i merk dass i schlofa sött nur fühlt sich min Rucka noch da dauernda Drehung noch rechts num soo toll ah... also nommol n Film... what to choose?... - ah, an Film über 'Foodporn' (i nenns jetzt mol aso), "Foodies" hatr ghoasss. .. do Verfolgt a Kamerateam mehrere Blogger dia scheinbar nix bessers zum toa hon als in 2 oda 3 Michelin-Stern Restaurants zum go und ihre Kohle für des Premium Food ussezumschleudra um danoch an mehr oda wenigr positiva Artikel in ihram Blog drüber zum verfassa... dazua trinkt ma zwo (klenne) Fläschle Cs/Syrah Cuvee us Argentinien (Concha y Toro)
Danoch hat ma di Australische Damd zwo sitz links vu mir a schö großes Polster ahbotta... dazua hätt i nur schwer ba segga könna.
Di Beatles singan mi in Schlof.
Eeh guat - fünf Stund gmützt - fühl mi oh ziemli guat und grad no zum Frühstück wach worra... Rühreier mit nam Würziga Tofulaibchen und Baked Beans... echt guat! sperat no Obst...
Und als i ufs Display luag wo i grad bin stoht direkt unterm Flüger Ayers Rock... homma den Felsa oh abghokt!
Und währand Furious 7 lauft gohts denn gohtd Sunna vor üs uf und irgendwenn oh langsam in Landeanflug uf Brisbane.

Natürli triffts mi wida zu nam Sprengstofftest… frogt mi der Beamte, ob i es schomol gmacht hei und i schüttel da Kopf. Er fahrt also mit irgend so nam Stäble an mina Fuaßsohla umma und öffnat min klenna Rucksack und stochert mit besagtam Stäble döt nommol umma…tadaa… des Gerät meldat negativ! Welch überraschung.

Sa 07.11.

Melbourne ● Auckland

ca 10ne

Also si hon jetzt da butz gliche Airbus innrhalb vu oanahalb Stund komplett greinigt, tankt und i sitz wida uf 78K
Furious 7 di Zweite… für viel meh war numma zit... di letzta drü Stund sin nämli: achtung – wia im Flug verganga! *haha*

16:00

Landung in Auckland!
bis des Flugzeug grummt war und i durch den Immigrations und Sicherheitscheck ko bin isch mol oh wida a Stund umme ganga – do neann ses nämli ziemli gnau!... dafür han o des mim Bustransfer nach Auckland City gleiamol abcheckt, sowia s hostel oh glei gfunda... Im Hostel gohts zua he wia in nam Irrenhaus... dia Agstellta warn heillos übedfordert und hon mina Meinung noch koa System ghet... so lang wia der mit sina glasiga Oga min Hotelvoucher studiert hat han i ma denkt dass fix was schiafgloffa isch und i ma a andre Unterkunft suacha go kann... weil „ohne Reservierung lauft momentan gar nix“ hatr zersch zu zwo anderna gmoannt.

Tjo, jetzt stand i do: S 6er Zimmer han i ma zumindest mit nam Tisch und zwo Stüal vorgstellt und dass s WC ne ranzig isch und glich wia oh d Dusche durchrinnt und da Seifaspender ussahängt aba jo mei - Klennigkeita halt.
I bin den gleiamol ge duscha und ab d Queensstreet abe zum Hafa und sunsch no dirch d Stadt flaniert.. dezent genervt vu deanna Strapazen und dem fürchtiga Hostel han i ma glei mol an Burger King mit Wlan ufgsuacht und bescheid gea, dass eigentli eh alles guat isch.
Jetzt ischs 9e und i tua ma schwer mit Oga offhe...